Aritzalekuko Distantzia Olinpiko eta Sprinteko Triatloiak

 Joan den larunbatean Allotzeko (Nafarroa) urtegiaren inguruetan ospatu ziren Aritzalekuko triatloi sprint eta olinpikoa. Lehendabizi goizeko 8:00tan Alex Arrieta, Iñaki Jauregi, Julen Azkue eta Aitor Beneitezek  distantzia olinpikoko (1,5-40-10km) triatloian hartu zuten parte. Azkue igerian lehendabiziko postuan irten zen, baina bizikletan sorturiko arazo fisikoak tarteko, erretiratu beharra izan zuen.

Aitor Beneitez korrikako sektorean

Bestalde, arratsaldean Haritz Iturzaeta gazteak sprint distantzian (0,75-10-5km) hartu zuen parte. Debuteko egunean oso lasterketa ona egin zuen, hogeitazazpigarren postuan amaituz. 

Haritz Iturzaeta triatloia hasi aurretik

GIZONEZKOEN SAILKAPEN OLINPIKOA

GIZONEZKOEN SAILKAPEN SPRINTA

Informazio gehiago: www.triatlonaritzaleku.com

Iruñako Distantzia Erdiko Triatloia

Joan den larunbatean ospatu zen Iruñako Distantzia Erdiko triatloia.  Lehendabizi 1,9 kilometroko igeriketa egin behar izan zuten Allozeko urtegian. Ondoren 77 kilometroko ibilbide gora beheratsu bat Iruñara bidean eta azkenik 17 kilometro laskerta Iruñan zehar eta ibilbide gora beheratsu bati bi bira emanez. Bertan, zortzi taldekide izan genituen eta guztiek gozatu ahal izan zuten triatloi eder honetaz. Aipatzekoa Julen Azkueren igeriketa saioa. Lehendabiziko postuetan irten zen Eneko Llanos haundiaren atzetik.

SAILKAPENAK

Informazio gehiago: www.triatlonpamplona.es

Frogako bideo laburpena:

Zuiako Duatloia - Euskadiko Distantzia Erdiko Txapelketa

Joan den larunbatean ospatu zen lehendabiziko aldiz Zuiako (Araba) Duatloia. Bertan izan genituen Xanet Albizu, Joseba Exposito eta Aitor Beneitez. Lehendabizi 14 kilometro egin behar izan zituzten, ondoren 64 kilometro bizikletan eta azkenik beste 7 kilometro korrika. Egun gogorra izan zuten gure taldekideek, zeren eta 30ºC inguruko tenperaturak eta hego haizea batu zitzaizkien, berezko gogortasuna zuen distantzia eta zirkuituari. 72 parte hartzailek erretiratu beharra izan zuten eta 197 duatletek lortu zuten helmugako marra gainditzea. Zorionak hirukote!

Taldeka, 22. postua lortu zuten Euskadiko Txapelketan.

Txalotzekoa antolakuntzaren lana, garai hauetan ez bai da batere erraza froga bat antolatzea.

SAILKAPENAK

Argazkiak: Naikefotosport eta Fenan Puras Fotógrafo

LABURPEN BIDEOA:

Aste honetan, hainbat taldekide izango dira lehian Iruñako Distantzia Erdiko Triatloian. Kasu honetan Espainiako Txapelketa izango da.

Oñati eta Peñiscolako kronikak

Joan den larunbatean ospatu zen Oñatiko Duatloia. Pandemia dela eta neurri zorrotzak hartu zituzten antolatzaileek eta horien artean lasterketaren formatua aldatzea izan zen. Nahiz eta azkeneko edizioan bezala sprint distantzian ospatu, aurtengoa banakako erlojupekoa izan da.  360 parte-hartzaileak 25 segunduko tartearekin irten ziren, eta ondorioz batzuk lasterketa amaitzen zuten bitartean, beste batzuk hasi egin zuten.

Aurtengoan sailkapen nagusia eta denborak gutxienekoak zirela esan genezake, joan den urteko Martxotik ez bai zen duatloitik ospatzen Euskal Triatloi Federazioko egutegian eta parte hartzea sari bat bezala izan bai da gure taldekidentzat.

Lasterketa, Gizpukoako eta Euskadiko Txapelketa izan zen Sprint distantzian, baina momentuz ez dugu sailkapenen berri.

Eskerrik asko eta zorionak Oñatiko Duatloia antolatzen duen lan taldeari!

Sailkapenak, lasterketa osoaren bideoa eta bideo laburpena

Igandean berriz, Azkue eta Pipo Peñiskolan izan genituen lehian. Kasu honetan Half Distantantziako triatloia izan zen Herrialde Katalanetan ospatu zena. Biek ala biek maila oso altua eman zuten eta 54 eta 43. postuetan helmugaratu ziren hurrenez hurren.

Datorren Maiatzaren 8an hainbat taldekide izango ditugu Zuiako Euskadiko Distantzia Luzeko Txapelketan.

Bueltan gara! Oñati eta Peñiskolan lehian

Larunbat honetan ospatuko da Oñatin Euskal Herriko Duatloi Zirkuituko lehendabiziko froga. Esprint distantzian burutuko da froga eta Euskadiko Txapelketa izango da.

www.oñatikoduatloia.com

Bestalde, Peñiskolatko Distantzia Erdiko triatloian ere izango da gure taldekideen presentzia igande honetan.

www.halftriathlon.infinitri.es/peniscola

Zorte on asteburu honetan lehiatuko zareten Azkoitritar guztiei!

Zumaia - Zestoa - Azkoitia Triatloia

 1995. urtean ospatu zen lehendabiziko aldiz Zumaia - Zestoa - Azkoitia Triatloia distantzia olinpikoan. Azkoitiko Triatloi Taldeko kideek antolatu zuen froga, Gasento Oñederraren gidaritzapean. Lau edizio lehiatu ziren jarrian, baina bi herri ezberdinetan boxesak jartzeak sortzen zituen logistika arazoak medio, 2000. urtean lehendabizikoz duatloi formatuan antolatu zuten froga.

Gure Youtubeko kanalean, 1995, 1996 eta 1998. urtetako triatloietako bideoak zintzilikatu ditugu. Datozen asteetan berriz, duatloietako hainbat bideo zintzilikatuko ditugu.

1995 - I. edizioa 

Iturria: Azkoitiko Udala - Kaito telebista

1996 - II. edizioa

Iturria: Kaito Telebista

1998 - IV. edizioa

Iturria: Gasento Oñederra

Elikurekin hitzarmen berritzea, esfortzu frogak egiteko

Dagoeneko hasiak gara 2021. urteko denboraldiari begira. Kirola egiteko beharrezkoa deritzogu gorputzeko motorra lehiarako prest dagoela ziurtatzea. Horretarako, ELIKU Nutrizio Aholkularitzaren laguntzaz, Azkoitri Triatloi Klubeko kide guztiek, ATHLON Bizimodu Osasungarrien Sustapeneko medikuek eginiko esfortzu frogak eta laktatoaren neurketak prezio ekonomikoagoetan izango ditugu Azpeitiako ELIKU Nutrizio Aholkularitzaren zentroan. 

Esfortzu froga bizikletan 73€ balio ditu. Laktatoarekin, 115€

Eskerrik asko ELIKU eta ATHLON!

Athlon KOOP. Elkartea
Eliku Zentroa (tel. 943 81 66 58)