Gabon zoriontsuak pasa ditzazuela

 

Azkoitri Triatloi Kluba osatzen dugunon partez, 𝙜𝙖𝙗𝙤𝙣 𝙯𝙤𝙧𝙞𝙤𝙣𝙩𝙨𝙪𝙖𝙠 pasa ditzazuela. ②⓪②⑤ean ere, osasuna lagun, jarritako helburuak betetzea opa dizuegu💯

Gipuzkoako duatloi eta triatloi txapelketako sari banaketa

Joan den ostiralean Gipuzkoako duatloi eta triatloi txapelketetako sari banaketa ekitaldia ospatu zen Donostiako Kirol Etxean. Bertan, hainbat taldekide izan dira sarituak


Duatloi esprinta (Zizurkil) 🏃🚴‍♂️🏃
🥉Vanessa Cerrajero Beterano 1 mailan
🥉Ignacio Cruz Larrañaga Beterano 2 mailan

Triatloi esprinta (Zumaia) 🏊‍♂️🚴‍♂️🏃‍♂️
🥈Vanessa Cerrajero Beterano 1 mailan
🥉Haritz Iturzaeta 23 urtez azpitik mailan

Triatloi Olinpikoa (Donostia) 🏊‍♂️🚴‍♂️🏃‍♂️
🥉Javier Eguiguren 23 urtez azpitik
🥈Aitor Sotil Beterano 1 mailan
🥉Alex Arrieta Beterano 1 mailan
🥈Jose Antonio Circujano Beterano 2 mailan

Zorionak taldekide guztiei!👏

Alex eta Jon, distantzia luzeko munduko triatloi txapelketan

Azkoitriko historiarako gure memorian hiltzatuta geratu den unea! Alex Arrieta eta Jon Albizuri joan den larunbatean distantzia luzeko munduko triatloi txapelketan izan ziren Konan (Hawai). Biak lasterketa bikaina burutu zuten, naiz eta maratoiko azkeneko zatian biak arazo fisikoekin ibili ziren. Lehendabizi 3,8 kilometro egin behar izan zituzten igeri, ondoren 180 kilometro bizikletan eta azkenik 42,2 kilometro korrikan.

Eskerrik asko Azkoitiko Udalari, emandako laguntzagaitik!💯

Maialen Azpiazu bigarren Cascaisen bere adin mailan

Joan den larunbatean ospatu zen Cascaiseko (Portugal) distantzia erdiko Ironman frankiziako triatloia. Bertan Maialen Azpiazu taldekidea izan genuen lehian. 25-29 adin tarte mailan bigarren 🥈 izan zen helmugan eta sailkapen orokorrean hogeitabosgarren. Maila bikaina eman zuen Maialenek 💯

Zorionak eta segi horrela @maiazpiazu ! 👏

Asteburu oparoa Azkoitriko kideentzat

Asteburu oparoa Azkoitriko kideentzat. Atxeruetarrak larunbatean Durangoko mendi duatloian hartu zuten parte, errelebozkako modalitatean. Igandean aldiz, Gasteizko duatloian izan ziren banakako lehian.

Igandean Inhar Subinas eta Iker Carmona Zumaiako Flysch mendi lasterketan izan ziren.

Igandean, Donostiko maratoi erdian izan ziren Manex Larrañaga eta Aitor Beneitez.

Eta azkenik Asier Disdira Vieux Boucaun (Frantzia) izan zen distantzia erdiko triatloian lehiatzen. M3 mailan hirugarren izan zen,

 

Zarauzko duatloi mistoa

Joan den llarunbatean ospatu zen Zarautzeko distantzia super esprinteko duatloi mixtoa. Triatloia izan behar zena, itsasoaren egoeragaitik duatloian bihurtu zen. Bertan Roman, Vanessa eta Aitor izan genituen duatloi herrikoi honetaz gozatzen
Eskerrik asko beste behin NikTri triatloi taldeari. Mimo haundiz 💯 prestatutako lasterketa. Segi horrela! 👏

📸 Festak.com eta ZarauzkoGuka

Zumaia eta Santander

Joan den igandean ospatu zen Zumaiako distantzia esprinteko (0,75-20-5km) triatloia. Bertan Haritz Iturzaeta, Vanessa Cerrajero eta Aitor Beneitzen izan genituen lehian. Gipuzkoako eta Euskadiko distantzia esprinteko triatloi txapelketa jokatu zen eta Vanessa Cerrajero bere adin mailan (40-49) bigarren postua 🥈 lortu zuen Gipuzkoako eta Euskadiko Txapelketan. Bestalde, Haritz Iturzaeta Gipuzkoako bigarren 🥈 izan zen 23 urtez azpitik mailan.

Eskerrik asko beste behin Zumaiako Triatloi Taldeari. Mimo haundiz 💯 prestatutako lasterketa, Segi horrela! 👏

Sailkapenak

Bestalde, Alex Arrieta Santanderreko distantzia erdiko triatloian (1,9-90-21km) izan genuen. Lasterketa bikaina egin zuen eta hamargarren postuan helmugaratu zen. Bere adin mailan (40-49) hirugarren sailkatu zen. Datorren Urriaren 26an Konan (Hawai) ospatuko den distantzia luzeko munduko triatloi txapelketarako ondo etorriko zaizkio kilometro hauek.

Sailkapena

Bilbo eta Getxo

Joan den astebukaeran Bilboko eta Getxoko frogetan izan giñen. Alde batetik, Bilbon distantzia erdiko eta olinpikoko triatloiak ospatu ziren eta distantzia erdiko Aquabike. Bestalde, Getxon distantzia olinpikoko Euskadiko txapelketa ospatu zen.

Bilbon, Maialen Azpiazu, Andoni Ibarbia eta Jon Albizuri distantzia olinpikoan lehiatu ziren. Haritz Iturzaeta distantzia olinpikoan eta Aitor Iturzaeta Aquabikean. Jon Albizuri beterano 1 mailan (40-49 urte) hirugarren sailkatua izan zen. Maialen Azpiazu berriz sailkapen orokorrean bostgarrena izan zen.

Aitor, Andoni, Jon eta Haritz

Maialen Azpiazu bostagarren saria jasotzen

Getxon, Vanessa Cerrajeno, Jose Antonio Circujano eta Aitor Beneitez izan genituen lehian. Jose Antonio beterano 2 mailan (50-59 urte)Euskadiko hirugarren sailkatu zen. Zorionak Joxe!

Argazkiak: @leticiafernandez_photo

Jon Albizuri bigarren sailkatu da Fromistako distantzia erdiko triatloiko beterano 1 mailan

Joan den larunbatean jokatu zen Fromistako (Gaztela eta Leon) distantzia erdiko triatloia. Maila oso altuko triatloia da Fromistakoa eta horren adibide garbia da hainbat atzerritarren parte hartzea. Albizurik 4.18.40 denbora behar izan zuen helmugara iristeko eta bere adin mailan (40-49) bigarren postua lortu zuen.

Lehendabizi, triatletek 1,9 kilometroko egin zituzten igeri Gaztelako kanalean. Ondoren, bizikletan 90 kilometro 30 kilometroko zirkuitu itxi bati hiru bira emanez, eta azkenik, herriaren erdialdean 21,1 kilometro korrika 3,5 kilometroko ibilbide bati 6 bira emanez.

Sailkapena

Legutioko triatloi olinpikoa

Joan den larunbatean jokatu zen Legutioko distantzia olinpikoko triatloia. Azkoitriko taldekideen artean, Xanet Albizu izan zen azkarrena gizonetan; hemeretzigarren helmugaratu zen azpeitiarra 2.27.42 denbora eginda. Emakumeetan, berriz, Vanessa Cerrajero izan zen Azkoitriko partaide bakarra, eta hura 13. postuan helmugaratu zen 3.10.11 denborarekin. Lasterketako adin mailako sailkapenei dagokienez, postu hauek lortu zituzten Azkoitriko kideek:

2º Alex Arrieta (beterano 1)

2º Jose Antonio Circujano (beterano 2)

3º Haritz Iturzaeta (23 urtez azpitik)

3º Vanessa Cerrajero (beterano 1)

Taldeka, Xanet, Alex eta Joxeren denborei esker laugarren izan zen Azkoitri sailkapen orokorrean.

Lehendabizi, triatloilariek kilometro eta erdiko zirkuitu bat egin behar izan zuten Urrunagako urtegian igerian. Ondoren bizikletan Otxandioko herritik eta Oletako gainetik pasatzen zen zirkuitu bati, bi birako egin zizkioten 40 kilometro osatuz; eta azkenik, Legutioko herriko ibilbide gora beheratsu batean korrika, 10 kilometroko ibilbidea osatu arte.

Sailkapenak honako lotura honetan ikus daitezke.

Gipuzkoako distantzia olinpikoko txapeldun

Joan den igandean jokatu zuten Onditzen oroimenezko 37. triatloia. Azkoitriko hamabi kide izan ziren Gipuzkoako distantzia olinpikoko txapelketa lehiatu zen proban.

Joan den igandean jokatu zen Donostian Onditzen oroimenezko distantzia olinpikoko triatloia. Azkoitriko taldekideen artean, Javier Egiguren izan zen azkarrena gizonetan; hamalaugarren helmugaratu zen azpeitiarra 2.04.05 denbora eginda. Emakumeetan, berriz, Vanessa Cerrajero izan zen Azkoitriko partaide bakarra, eta hura 35. postuan helmugaratu zen 2.48.39 denborarekin. Lasterketako sailkapen arruntei dagokienez, Aitor Sotil bigarren sailkatu zen gizonen beteranoen lehen mailan eta Alex Arrieta hirugarren. Jose Antonio Circujano, aldiz, bigarrena izan zen gizon beteranoen bigarren mailan.

Gipuzkoako distantzia olinpikoko txapelketa jokatu zuten proba berean, eta Sotil, Arrieta eta Circujanok postu bera lortu zuten beraien adin mailan eta Javier Egiguren hirugarren izan zen gizonen 23 urtez azpiko mailan eta laugarren sailkapen orokorrean. Taldeka, Eguigurenen, Xanet Albizuren eta Sotilen denborei esker bosgarren izan zen Azkoitri sailkapen orokorrean eta txapeldun Gipuzkoako txapelketan.

Lehendabizi, triatloilariek kilometro eta erdiko zirkuitu zirkular bat egin behar izan zuten Kontxako badian igerian. Ondoren, Añorga, Usurbil, Orio eta Igeldo zeharkatuz, 40 kilometro egin zituzten bizikleta gainean; eta azkenik, Kontxako badia eta Txillidak egindako Haizearen Orraziaren tartean hiru joan etorri korrika, 10 kilometroko ibilbidea osatu arte.

Sailkapenak honako lotura honetan ikus daitezke.

Aitor Sotil Lekeitioko Triatloian irabazle Beterano 1 mailan

Isuntzako hondartzan 750 metro igeri egin ondoren, udaletxeko plazan bizikleta hartu eta Milloi gainerako joan-etorria egin zuten 20 kilometroko  zirkuituan. Azkenik, udaletxeko plazan bizikleta utzi eta Santa Katalinako itsasargirako joan-etorria egin zuten korrika, 5 kilometroko zirkuitua eginez.

Sailkapenei dagokienez, 315 gizonezko helmugaratu ziren hoien artean Aitor Sotil (1h06'09')izan zen azkarrena. Sailkapen orokorrean 32 garren postua lortu zuen eta gizonezkoen beterano 1 mailan irabazle izan zen. Emakumezkoetan aldiz, 101 emakume helmugaratu ziren eta Maialen Azpiazu izan zen azkarrena helmugan 1h14'57''ko denbora eta 10 garren postua lortuz. Taldeka, Azkoitri T.K. 13 garren izan zen sailkaturiko 35 taldetatik.

Argazki gehiago Instagrameko kontuan.

Alex Arrietak distantzia luzeko munduko triatloi txapelketan parte hartzeko txartela lortu du

Joan den igandean Klagenfurt (Austria) hirian lehiatu zen distantzia luzeko triatloian. Guztira 9h24'25''ko denbora behar izan zuen 226 kilometroko ibilbidea osatzeko.

Igeriketako 3,8 kilometroak Wörthersee aintziran egin zituzten eta Alexek 59'43''ko denbora behar izan zuen. Ondoren bizikleta hartu eta180 kilometro ibilbidea burutu zuen 4h52'59''ko denboran. Azkenik, bigarren trantsizio gunetik irten eta maratoi bat (42,2 kilometro) egin zuen 3h22'21''ko denbora. Guztira 226 kilometro eta 9h24'25''ko denbora behar izan zuen hiru ibilbideak amaitzeko.

Sailkapen orokorrean 88 garren postua lortu zuen eta M40-44 adin mailan 10 garren izan zen. Hamargarren postu honek Urriaren 26an Hawain ospatuko den munduko txapelketan parte hartzeko txartela eman dio.

Bestalde, Aitzol Agirregomezkorta Madrideko distantzia erdiko triatloian lehiatu zen. Kasu honetan 103 (1,9-80-21,1)kilometroko ibilbidea burutu behar izan zuen eta 4h07'26''ko denboran helmugaratu zen. Sailkapen orokorrean 24 garren postua lortu zuen eta bere adin mailan (M35-39) 8 garren izan zen.