viernes, 13 de diciembre de 2013

Azkoitiko kirolaririk onenarentzako Azkoitiko Triatloi Taldeak proposaturiko kirolariak

Datorren Abenduaren 20an urtero bezala Azkoitiko kirolaririk onenaren izendapena izango da udaletxeko areto nagusian. Aurtegoan ordea bi hautagai izango ditugu, aurreko urteetan ez bezala. Nahiz eta jende askok triatloia eta duatloia antzeko kirolak direla pentsa, bi kirol guztiz ezberdiñak dira, bai lasterketa egunean baita prestatzeko eran ere. Aurten distiplina bakoitzean goi mailan ibili diren bi herri kide izan ditugu eta horregaitik Azkoitiko Udalari proposamen bat luzatu genion: Ea posible zen alde batetik triatleta onena eta bestetik duatleta onenaren izendapenak egotea, eta egon den maila ikusirik aurtengoz baiezkoa eman digute.
 
Ezin aipatu gabe utzi Iñaki Loinaz eta Andoni Ibarbia. Iñaki Loinazek lehengo urtean bezala, goi mailan ibili da lehian, hainbat lasterketatan maila oso ona erakutsiz (2012an bera izendatu genuen triatleta onena bezala). Bestalde Andoni Ibarbia Ironcat-ean lorturiko 3. postuak argi uzten digu betiko maila onean jarraitzen duela. Ezin aipatu gabe geratu, baita ere hainbat taldekide urte osoan zehar orduak eta orduak pasatzen dituztenak lasterketak prestatzen. Zorionak guztioi eta segi horrela!
 

 
TRIATLETA ONENA – Rubén Almendro (Euskoman Triatloi Taldea)
- 4º (4h31´) Tri Iberman Ironman erdia  (1,9km - 100km - 21km)  (Txapeldun 30/34 adin tartean)
- 19º (4h17´) Terres del L´Ebreko Triatloia (3km - 90km – 20km)
- 11º (1h46´) Arbizuko Duatloia (8km – 32km – 4km) 
- 32º (4h10´) Zarauzko Duatloia (12km – 82km – 15km) 
- 13º (9h28´) Gasteizko Ironmana (3,8km – 180km – 42,2km) - (Txapeldun 30/34 adin tartea)
- 50º (9h16´) ICalellako Ironmana (Cpto.España) (3,8km – 180km – 42.2km) Espainiko Txapeldun (30/34 adin tartea)


Rubenen bloga: www.ametsenkaxa.blogspot.com


 


DUATLETA ONENA – Imanol Larrañaga “Bitturi” (Azkoitiko Triatloi Taldea)

- 1º (1h02’) Ermuko Duatloia (5km – 20km – 2,5km) - Euskal Herriko Txapeldun Sprint distantzian
- 3º (1h55’’) Azkoitiko Duatloia (10km – 40km – 5km) - Gipuzkoako 3. distantzia motzean
- 4º (1h01’) Mungiako Duatloia (5km – 20km – 2,5km)
- 4º (1h43’) Arbizuko Duatloia (8km – 32km – 4km)
- 6º (1h06’) Gernikako Duatloia (5km – 20km – 2,5km)
- 7º (1h01’) Eibarko Duatloia (5km – 20km – 2,5km) - Gipuzkoako 3. sprint distantzia
- 9º (57’03’’) Sopelanako Duatloia (5km – 20km – 2,5km)
- 12º (1h57’’) Oñatiko Duatloia (10km – 40km – 5km)
- Euskal Herriko duatloi zirkuituko 9. sailkatua (Oraindik ez da ofiziala)


Besteak:
1º (32’59’’) Ikaztegietako krossa (10km)
2º (33’09’’) Haroko Krossa (10km)
3º (33’58’’) Gasteizko Krossa (10km)
4º (33’17’’) Azkoitiko Krossa (10km)

jueves, 21 de noviembre de 2013

AZKOITIKO HITZAk Iñaki Loinazi eginiko elkarrizketa

 
Iñaki Loinaz (Azkoitia, 1991) triatletak Azkoitiko Triatloi Taldeko elastikoa utzi, eta Nafarroako Saltoki Trikideak taldekoa jantziko du hurrengo denboralditik aurrera. Txapelketa gehiagotan parte hartzeko aukera handiagoa izango duela adierazi dio UROLA KOSTAKO HITZA-ri, trialtoian trebatzen jarraitzeko gogoz baitago gaztea.
 
Zenbat denboralditan arituko zara Saltoki Trikidearekin?
Datorren denboraldian hasiko naiz, maiatza-apirila aldean. Triatloian fitxajeak ez dira beste kiroletan bezala egiten; ez dut ezer sinatu, eta ez dut epe zehatzik momentuz. Taldean parte hartzera gonbidatu ninduten, eta halaxe animatu nintzen.
 
 
 
Zertarako aukera emango dizu talde berriarekin ibiltzeak?
Euskal Herritik kanpora lehiatzeko eta txapelketa berrietara joateko aukera handiagoa izango dut. Hego Euskal Herrian 13 txapelketa inguru izaten dira, eta orain arte neuk ordaindu behar izan ditut hemengo nahiz kanpoko probetako gastu guztiak. Talde berriarekin, ordea, gastuaren zati bat hark ordainduko du, taldekideek kanpoko txapelketetan parte hartzea errazago izan dezaten, eta beraz, emaitzak ere hobeak lor ditzaten. Gazteez osatutako taldetxo bat sortu nahi dute orain, distantzia motzean lehiakorragoak izateko. Ni distantzia motzetan hobeto aritzen naiz, eta horregatik deitu zidaten.
 
Zure ibilbidean jauzia izango al da?
Baietz uste dut. Orain arte zortzi txapelketetara mugatzen zen nire denboraldia, baina orain kanpora joateko eta jende berria ezagutzeko aukera izango dut. Aurpegi berak ikustea ohikoa zen orain arte, baina orain ez dut uste hasierako postuetan ibiliko naizenik. Sailkapenaren arabera txapelketa jakin batzuetan hartu ahal izango dugu parte; Espainiakoan, esaterako. Ikusi beharra dago oraindik, baina taldekakoan proba horretara iristeko esperantza dut.
 
 

 Saltoki Trikidea taldea, oro har, sendoa da. Iaz taldekako Espainiako Duatloi Txapelketa irabazi zuen, esaterako. Triatloian baino maila hobea dute taldekideek duatloian. Batez ere pertsona helduek osatzen dute taldea; gazte askorik ez dago, eta horregatik interesatu dira gugan.
 
Noiz hasi zinen triatloian?
Duela hiru urte probatu egin duen, eta duela bi serio eutsi nion. Aurtengoa bigarren denboraldia izan da, eta orain hirugarrengoa hasi naiz prestatzen. Ea ondo irteten zaidan.
 
 
Pixkanaka-pixkanaka zure lekua topatu duzu, ezta?
Bai. Aurretik igerilaria nintzen, eta zentzu horretan abantaila izan dut. Distantzi motzeko probetan igerian lehenengo postuetan ibiltzeak asko laguntzen du. Lehenengo urtean asko kostatzen zitzaidan bizikletan taldea jarraitzea; ondo gogoan dut. Ez nintzen aurrean egoten. Aurten lortu dut bizikletan ondo ibiltzea. Korrika ere uste baino hobeto moldatu izan naiz.
 
Datorren denboraldirako helbururik jarri al diozu zure buruari?
Helburua orain arte egindakoa mantentzea da. Horrez gain, Euskadiko Triatloi Txapelketa proba batean jokatzen da, baina horretarako aurretik puntuazioa lortu behar da. EAEn egiten diren zortzi probetatik gutxienez bostetan parte hartu behar da puntuazioa lortzeko, eta puntu gehienak lortzen dituenak irabazten du liga hori. 23 urtez azpiko mailan hirugarren geratu nintzen iaz. Aurtengo behin betiko sailkapen orokorra oraindik ez dakigu, baina, uste dut maila horretan bigarren geratu naizela, eta orokorrean hiru edo laugarren egin dut. Datorren denboraldia azkena izango da maila horretan lehiatuko naizena, eta lehenengo postua lortzea da nire asmoa. Horrez gain, esperientzia berri gisa Espainiako txapelketa probatzea, eta ahal dudan guztia ikastea da nire nahia.
 
Azkoitiko triatloi taldea uzteak pena emango al dizu?
Azken urteetan lan handia egin da taldea osatzeko, eta giro oso ona daukagu guztion artean. Alde horretatik, pena handia ematen dit.
 
 
Ane Olaizolaren elkarrizketa
 

martes, 24 de septiembre de 2013

Elola IronMan finisherrrrr!!

 
Iñaki Elola joan den Irailaren 14an San Joan de Luz-eko IronMan distantziako IronBaskean izan genuen. Bere lehenengo esperientzia zen distantzia honetan eta sekulako lasterketa egin zuen. Hona hemen bere kronikatxoa:
 
"Nahiz eta 7:15en abittu giñenen eune oaindik guztiz argittu gabe eon, igeriketako irteera oso erosoa izan huan: 180 partaide eta hain karrera luzea izanda, zertako burrukan ibili… Aurreneko buelta nahiko ondo, eta bigarrena hobeto, ze behin eune ondo zabalduta boiak errezago ikustettuan. Uretatik ateatakon, transizio luzea boxeseta. Igeriketa + boxesetako korrikaldie: 1h10’ eta 80. partziala. Nik uste igeri metron batzuk falta ziela."
 
"Bizikletane bi buelta hituan, eta buelta bakoietzen, aurreneko 12 km inguru zelaiek eta hortik aurrea dena gora ta behera, eta tarten repetxo motz eta oso goorren bate bai. Aurreneko buelta, nere ustetan, nahiko lasai ein nin, baño bigarrena hasi ta 130. Km ingurun kontuatu ninduan ya hanketan etzeola txispaik, eta korrika duhin xamar ein nahi banun pixkat lasaiago jun berko nula. Hortik eta bizikleta utzi arte, jan eta ean ondo, eta aldapa gora tokatze zan bakoitzen, ahalik eta indar gutxina gastatzea. Jende gutxi atea izana igeriako mesede izan zan bezela, bizikletako zenbait tartetan oso bakarrik aurkitu gintuan, eta indarrak sobran ez izateaz aparte, erreferentzik ez eukitzek etzin asko launtzen, bateze buruako. Bizikletan denea 6h28’ eta 70. partziala. Luzea (183 km pasatxo) eta gorra!!!"
 
"Korrika berriz 4 buelta. Korrika hasi  ta konturatu ninduan km batzuk nahiko itxuran itteko gai izango nitzela, baño “batzuk” zenbat izango zien jakittea falta huan… 3. itzulin izan nin bajualdi bat, baino orokorren nahiko ondo heutsi nioan. Azkeneko itzulin sartzeako ikusi nin, pixkat espabilatuz geo, 11h30’tik jeistea bazeola, eta hoixe izan huan azken helburue. 2 km falta ziela ikusi nin hoi lortuko nula ta hortik helmuga falta zana lasai eta gozatuz ein nin. Azkeneko metrotan etxekok agurtu, ta helmuga. Korrika: 3h40’ eta 22. partziala."
 
Helmugan 35. 11h26’14”ko denborarekin 146tik.
 
Lasterketako esperientziarekin oso gustura geratu omen zen eta ondorengo egunetako errekuperazioa nolakoa izan zuen ikusita oraindik eta gusturago! jeje
 
ZORIONAK!!!!
 





 

lunes, 9 de septiembre de 2013

Zumaiako Triatloia: Denboraldi amaiera



Joan den Larunbatean Zumaiko Triatloi Sprintean Azkoitiko Triatloi Taldeak 2013. denboraldi amaiera ospatu zuen. 15 taldekide izan ziren irteera gunean. 3ko 5 talde egin genituen eta hiruen denborak gehituz hiru talde onenei garaikurra eman genien. Bestalde bakarko sailkapen bat ere egin genuen. Ondoren guztiok afaltzera eta ondoren juergatxo bat bota genuen. Giro paregabea!

Taldezka
1.- Aiztitxo-Edu-Txartxa 4h05'25''
2.- Ebro-Tertzio-Palu 4h05'26'' (Segundu bakar batera!!)
3.- Pepe-Gari-Andoni 4h07'27''
4.- Akerra-Pio-Egoitz 4h09'34''
5.- Koldo-Ote-Xegu 4h09'37''

Bakarka
1.- Aiztitxo
2.- Andoni
3.- Ote

Sailkapenak: www.triatloi.org




Talde irabazlea (Aiztitxoren parte Txapaña lehendakaria garaikurra jasotzen)


lunes, 2 de septiembre de 2013

Garikoitz Alberdirekin solasaldian


 
 
Zer dela eta hasi ziñen duatloiak/triatloiak egiten?
Urtero jartze zoat nere buruei meta bat eo helburu bat ta lengo urtin Quebranta ein ta geo maratoie ein ondoren ,aurtengoako azkoitiko duatloie eittie jarri nitxoan nere burui helburu.Nere lankide ta lagun dan Bitturiri komentau nitxoan ta arek hori einber banun taldin sartzeko esantzian ta holaxe izen uan.
 
Aurretik beste kirolik egin al duzu? Zein?
Bai 18 bat urtekin hasi nitxian deportie eitten sarri sarri ta beti mendire ,ordun mendi martxak eitte nitxian,gero mendi lasterketak,tartin baitte herri kiroletan e txingatan beste pare bat urtin bai geo bizliletan quebranta hiru urtien einez ta aurten ba duatlo ta triatloiek.
 
Zein izan zen lehenengo triatloia? Zer moduzko esperientzia?
Bermeon lenengo triatloie,oso nebioso jun nitxian ta nobatada latza ein nian igeri aurrin kolokau nitxian ta tope hasi, ondorioz ba hasi orduko arnasa bueltau ezinde ta alde danetatik golpik artzen uretan oso geizki bestela gustoa.
 
Zein da 2013ko helburu nagusia?
2013 helburua azkoitiko duatloie eittie ta triatlomat eittie uan baine denborikin helburuk aldatzen jun dittuk azkenin bost duatlo ta bost triatlo ein ditxiat momentuz,tartin ironman erdixe ta Ironmana.
 
Ironman Finisher
 
Zein dira epe motzean dituzun helburuak?
len jarri diaten bezela helburu nausixek bukau dittuk ,Iraillin Zumaiko Triatloie gozau ta geo auskalo baine momentuz listo.
 
Zer da triatloiak egiteak dakartzan alde positiboak eta negatiboak? 
Positibue: Kriston jende jator ta ona ezautu detela taldin sartute ta daukeun ambiente earra
triatloie beorí deporte bezela, ze hiru deporte nola dien entrenatzekore eztek ain astune geatzen
Negatibue: Asko entrenau berdek geo gustoa ibiltzeko ta lesixuk problema bat dittuk
 
Animatuko al zenuke jende triatloietan parte hartzera?
Bai danak animauko nitxian.

martes, 30 de julio de 2013

Eduardo Sudupe El Rasilloko triatloiean

Eduardo Sudupe, taldeko beteranoetakoak, joan den Uztailaren 27an Errioxako El Rasilloko triatloi Olinpikoak hartu zuen parte. Aurtengo aurreneko triatloia zuen pasa den urtean bertan estreinekoz triatloian parte hartu ondoren. Orduan sprint distantzian izan zen eta aurten sprint-olinpika tarteko bat antolatu zuten (1200m / 34km / 7 km ).


Igerian nahiko gustora aritu zen, hasierako 300m kenduta: kolpeak, jendea alkarren gainetik pasatzen etb...

 
 
 
Gero bizikleta hartu eta 3 itzuli eman behar izan zizkion zirkuitu bati, eta hor bai sufriu zuela: aldapa ta haize gehiegi. Eta azkenik korrikakoan ere zirkuitu bati 3 itzuli: hasierako buelta gogorra, baño gero ta hobeto sentiu zen denbora pasa ahala eta bukaeran sentsazio onekin amaitu zuen. Azkenean 123. amaitu zuen 2h21'39''ko denborarekin. Zorionak Edu!!
 
 
 
 Denboraldi hasiera izan zen Eduardorentzat Errioxakoa eta bukaera berriz Zumaian emango dio Irailean ospatuko den triatloi olinpikoan. Bertan ATTkoek denboraldi amaiera ospatuko dugu eta ondoren afaltzera joango gara.

Sailkapena


martes, 16 de julio de 2013

Euskadiko Txapeldunak Uratloiean

Larunbat honetan, Uztailak 13, Plentziako herrian uratloia ospatu da, Euskadiko Txapelketa izan delarik modalitate honetan. Euskoman Triatloi Taldeak eta Euskadiko Triatloi Federazioak antolatu dute eta sprint (2.5km-1km-2.5km) distantzian lehiatu da.

Bertan Loinaz, Olano eta Aiztitxo izan ditugu eta Euskal Herriko Txapeldun bihurtu dira taldezka. Loinaz bigarren eta Olano hirugarren izan dira 23 urtez azpiko mailan.

8. Iñaki Loinaz 34'08''
11. Garikoitz Uzkudun 34'59''
15. Julian Olano 35'41''

ZORIONAK HIRUROI MAKINAS!!!
 


 

viernes, 12 de julio de 2013

Joan den asteko kronikatxoak

El Rasilloko Uratloia
Ion Oteiza "Ote" eta Julian Olano Azpeitiarrak El Rasilloko (Errioxa) Uratloiean izan ziren joan den larunbatean. Lehendabizi 2,5 korrikan egin zituzten, ondoren kilometro bat igerian eta amaitzeko berriz eta 2,5 kilometroko zirkuituari beste bira bat. Olanok 10. amaitu zuen eta Otek 16. Olanok 23 urtez azpiko mailan lehenengo postua eskuratu zuen. Olano aurten hasi da triatloiak egiten eta argi dago lanean gogor jarraitzen badu hobetzeko margen haundia duela. Zorionak bioi!
 

 
 
Garaiko Iron Man erdia
Bestalde taldeko hiru Errezildarrak azkenengo momentuan Garairako eman zuten izena. Akerrak arazo fisikoak izan zituen eta bizikletako segmentua amaitu orduko erretiratu egin zen. Andoni Ibarbia eta Apalantzak lasterketa amaitzea lortu zuten. Apalantzaren debuta izan zen Iron Man erdi batean, Zarautzen egin behar bai zuen debuta eta marmoken arazoak medio duatloia bihurtu zen.
 
BIDEOA
 
Azkenik Tertzio Getxoko Iron Man erdian izan genuen joan den Igandean. Bere blogeko informazio guztia: www.trioburu.blogspot.com

jueves, 4 de julio de 2013

Donostiko triatloi olinpikoa

 
 
Lan txukuna ATTko kideek eginikoa Donostiko Onditzen oroimenezko triatloi olinpikoan. Iñaki Loinazek beste behin ere sekulako erakustaldia eman zuen. Andoni Ibarbiak lan txukuna egin zuen. Mikel Albisu "Palu"k urteko helburu bezala zuen lasterketa top100ean amaitzea lortu zuen eta gustura bueltatu zen etxera. Aitor Beneitez "Tertzio"-k lasterketa hau Gasteizko IronManerako azken bigarren test bezala erabili zuen eta aurreko urteko denbora ia 9 minututan jeitsi zuen. Iban Urbietak bere lehenengo triatloi denboraldiari amaiera oso txukuna eman zion erditik aurrera sailkatuz. Koldo Larrañagari sekulako triatloia irten zitzaion eta bere kategorian 9. amaitzea lortu zuen. Jose Luis Garate "Pepe" beste triatloi denboraldi bati amaiera txukuna eman zion eta azkenik Jabitok triatloietara bueltatu den denboraldi honetan, nahiz eta korrikan deseroso egin, lasterketa sentsazio honekin amaitzea lortu zuen.
 
Iñaki Loinaz momento hauetan Euskal Herriko Triatloi zirkuituko bigarren postuan aurkitzen da sailkapen absoluto zein 23 urtez azpikoan.
Gehienek triatloi honekin denboraldiari amaiera emango diote eta ondo merezitako oporrak hartuko diztuzte.
 
Zorionak guztioi!!!!
 
Taldezka 15. sailkatzea lortu genuen aurkezturiko 62 taldeetatik.
 
10 2:05:15 IÑAKI LOINAZ GARATE
93  2:17:10  ANDONI IBARBIA
109 2:18:17 MIKEL ALBISU ARRIETA
223 2:25:27 AITOR BENEITEZ SAGARZAZU
329 2:32:03 IBAN URBIETA CAMPOS
406 2:36:08 KOLDO LARRAÑAGA AZPILLAGA
543 2:45:24 JOSE LUIS GARATE GARATE
563 2:47:02 JAVIER ALBERDI ARANGUREN
 
Informazio gehiago: www.triatloi.org
Argazkiak: www.festak.com

domingo, 9 de junio de 2013

"Tertzio"rekin solasaldia

“Tertzio” orain dela hiru urte Azkoitiko Triatloi Taldean sartu eta duatloiak eta triatloiak egiten hasi zen. Lehendabizi duatloiak probatu zituen eta ondoren triatloiak. Ea ba zer duen esateko honako galdera hauei....

-Nolatan hasi ziñen duatloiak eta triatloiak egiten?
Txikitan Azkoitiko Duatloia ikusi nuen eta egia esan ez nuen horrelako frogak egiten zirelaren berririk. Triatloiarena zer esanik ez! Egunen batean Azkoitiko Duatloia egin behar nuela sartu zitzaidan buruan. Triatloiarena berriz burutik pasatu ere ez zitzaidan egiten igerian justu justu egiten bai nuen. Orain dela 3 urte bizi guztian praktikatu dudan futbola alde batera utzi, Azkoitiko Triatloi Taldean sartu eta korrika eta bizikletan orduak sartzen hasi nintzen. Bigarren urtean berriz igeriari ekin nion.

-Zein izan zen lehenengo duatloia?
16 urterekin egin nuen Azkoitiko Duatloia. 2003an. Anaitasunan nenbillen jokatzen Kadete mailan eta astebukaerako partidua ez zenez Duatloiko egun berberean, izena eman eta parte hartzea erabaki nuen. Bizikletan ez nintzen ibiltzen, baina aste batzuk lehenago buelta pare bat eman Zumarraga aldera eta aitaren bizikletarekin aurkeztu nintzen. Oso lasterketa ona egin nuen 110. postuan amaituz eta 3. Juniorra izan nintzen bigarrengoarekiko 2 segundura. Jakin izan banu esprintatu egingo nion jejeje



- Eta lehenengo triatloia?
2011. urtean egin nuen lehenengo triatloia. Donostiko triatloi olinpikoan izan zen. Lehendabizi 1.500m igeritan, ondoren 40 bizikletan eta azkenik 10 km korrika. Igerian 10 bat kilometro entrenatuta aurkeztu nintzen eta banekien igeritan behintzat azkena ez banintz azkenetan irtengo nintzela eta halaxe izan zen, atzetik 10-20 bat lagun edo. Bizikletan Igeldoko igoera oso gogorra egin zitzaidan eta korrikako 10 kilometroak zer esanik ez. Ondarretako hondartzan dagoen termometroak 38ºC markatzen zituen! Lasterketa amaitu nuen eta sekulako satisfazioa.

-Zer moduzko esperientziak izan ziren?
Esperientzia zoragarriak biak, baina triatloikoa are handiagoa izan zen. Edozein duatloi edo triatloi amaitzeak sekulako satisfazioa zorrarazten dit. Gero eta froga luzeagoa, satisfazio haundiagoa sentitzen dut nire buruarengan.

-Sakrifiziorik eskatzen al du kirol honek? Alde onak eta alde txarrak.
Azken fiñean kirola egitea gustoko dut, baina froga gero eta luzeagoa prestatzen egon, gero eta denbora gehiago dedikatu behar diozu entrenatzeari eta honek beste gauzak egiteko denbora kentzen dizu noski. Astean 5-6 aldiz entrenatzen dut eta batzuetan asteko egun guztietan ere entrenatu izan dut.

-Zein da epe motzera duzun helburu garrantzitsuena?
Uztailaren 28an Gasteizeko Iron Man frogan hartu behar dut parte. Mundu honetan sartu nintzenean argi neuken egunen batean distantzia luzeko froga hau egin behar nuela. Lehenengo urtean duatloiak egin nituen, bigarrenean duatloi eta triatloiak eta hirugarren urtean Iron Mana tokatzen zen. Aurten gainera Gasteizekoa antolatu dute eta etxetik oso gertu dagoenez ez zegoen aitzakirik parte ez hartzeko.

-Animatuko al zenuke jende duatloi zein triatloietan parte hartzera?
Dudarik gabe!

Zarautzeko Duatloia

Atzo ospatu zen Zarautzeko Triatloia. Marmokak zirela eta, igeriketako ibilbidea kendu eta froga duatloia izatera pasa zen (9-82-14). Hainbat taldekide izan genituen lehian eta guztiek ere oso postu onak lortu zituzten. Denak, froga amaitu zutenen erdiak baino lehenago helmugaratu ziren. Zorionak guztiei eta ea hurrengo urtean triatloia behar bezala egiteko moduan diren.





martes, 4 de junio de 2013

Ondarruko triatloi olinpikoa

Joan den Larunbatean hamar taldekide izan genituen Ondarruko triatloi olinpikoa egiten. Iñaki Loinazen lehenengo sub23tik segundu gutxira helmugaratu zen. Txanpañak oso triatloia ona egin zuen 16. postuan helmugaratuz. Andoni Ibarbiak Tarragonako IronCat-aren ondoreneko lehehgo triatloia zuen. Akerra, Xegu eta Tertziok Zarautzeko aste honetako triatloirako azkeneko testa zuten. Paluk aurtengo helburu duen Donostiko Onditz triatloirako azkeneko testa. Garik hurrengo astean duen Aritzalekuko IronMan erdirako azkeneko testa. Koldok triatloiak egiteko irrikaz aurten berriz ere triatloiak egiten hasi da. Pepe bere Loiolako kasta erakutsiz.

Taldezka? Aspaldian Federazioko web orrian ez dira ari sailkapenik jartzen.

Zorionak guztiei eta segi gogor entrenatzen!

SAILKAPENA
10 1:55:37 IÑAKI LOINAZ GARATE
16 1:58:22 HARITZ ELORZA LASA
40 2:02:38 ANDONI IBARBIA AIZPURU
61 2:05:04 HARKAITZ ARRUTI EIZAGIRRE
82 2:07:33 MIKEL ALBISU ARRIETA
135 2:12:34 GARIKOITZ ALBERDI GOITIA
145 2:13:53 IKER SEGUROLA USBIAGA
173 2:17:12 AITOR BENEITEZ SAGARZAZU
234 2:25:25 KOLDO LARRAÑAGA AZPILLAGA
262 2:28:30 JOSE LUIS GARATE GARATE


sábado, 1 de junio de 2013

II. Azkoitia-Azpeitia erronka

01:00.05 denboran burutu dute proba azpeitiarrek. Lau lagunen artean bizikletan 20 kilometro eta lasterka 10 kilometro egitea, alegia. Azkoitiarrek minutu bat eta 24 segundo gehiago behar izan dute ibilbide bera egiteko: 01:01:29. Bizikletan parekatu samar ibili dira bi herrietako kirolariak, eta korrikako proban egon da aldea, minutu ingurukoa. Giro polita sortu du probak Azkoitiko erdigunean, eta antolatzaileak gustura azaldu dira horregatik. Gainera, helburua bete dutela azaldu dute: “Herrian giroa sortzea eta pike sanoa mantentzea zen gure asmoa, eta pozik gaude. Tabernariek eskatuta antolatu dugu, eta hurrengo urtean ere berriz egingo dugu”.

Azpeitiarren taldea hauek osatu dute: Xabier Salegi Otzaka-k eta Gorka Agirrek (bizikletan) eta Xabat Manzisidorrek eta Xabier Lasa Laxa-k (korrika). Azkoitikoa, berriz, Patxi Mendizabalek eta Imanol Larrañaga Bitturi-k (korrika) eta Arkaitz Arakistainek eta Jokin Sudupe Pio-k.

Info: Azkoitiko Hitza


Laida Beristainek eginiko bideoa

miércoles, 15 de mayo de 2013

II. Azkoitia - Azpeitia ERRONKA

Maiatzak 25ean, arratsaldeko 18:00tan II. Azkoitia-Azpeitia erronka ospatuko da Azkoitiko kaleetan. Aurten ibilbide ia guztia herrian zehar izango da. Herri bakoitzetik bi korrikalari eta bi txirrindulari izango ditugu, korrikalariak 2 bira eman beharko dizkiotelarik ibilbideari eta ziklistak berriz 4. Lehengo urtean Azkoitiarrek irabazi zuten, aurten Azpeitiarrek irabaziko ote dute? Informazio gehiago hemen:


Ironcat eta Debako triatloiak


Joan den larunbat goizean Debako sprint distantziako triatloia ospatu zen. Bost taldekide izan genituen lehian. Aipatzekoa Iñaki Lonazen 7. postua sailkapen orokorrean eta 2. 23 urtez azpitiko mailan. Euskal Herriko Txapelketa zenez Iñaki Loinaz Euskal Herriko 23 urtez azpitiko mailan, sprint distantziako azpitxapeldun bihurtu zitzaigun. Zorionak guztioi!

7 1:21:51 IÑAKI LOINAZ GARATE
75 1:29:24 HARKAITZ ARRUTI EIZAGIRRE
78 1:29:30 MIKEL ALBISU ARRIETA
138 1:32:53 GARIKOITZ ALBERDI GOITIA
186 1:36:15 IBAN URBIETA CAMPOS
298 1:49:54 JAVIER ALBERDI ARANGUREN
 
Argazki gehiago: www.festak.com
 
 
Andoni Ibarbia taldekideak L'Ampollako (Tarragona) IronCat-ean hirugarren izan da 9h 01' 40''-ko denborarekin. Andonik ironman distantziako froga hau bi aldiz irabazia du (2008-2009). Benetan sekulakoa berriz ere Andonik egindakoa. ZORIONAK!!
 
 
 
 
 

miércoles, 8 de mayo de 2013

Bermeoko eta Senpereko triatloiak


Joan den larunbatean Bermeon ospatu zen 2013. denboraldiko lehenengo triatloia. Urtero bezala sprint distantzia (0,750 – 28 – 5) izan zen eta 450 parte hartzaile izan zituen. Zortzi taldekide izan genituen lehian. Aipatzekoa Iñaki Loinazen seigarren postua, irabazlearengandik 59 segundura helmugaratu zen. Bestalde Julian Olanok eta Garikoitz Alberdik lehenengo triatloia burutu zuten. Zorionak guztiei!

  6 - 1:10:54 IÑAKI LOINAZ GARATE
 33 -1:14:45 HARITZ ELORZA LASA
 62 - 1:17:10 ION OTEIZA GERETA
129 - 1:21:31 MIKEL ALBISU ARRIETA
188 - 1:24:45 GARIKOITZ ALBERDI GOITIA
209 - 1:25:38 IBAN URBIETA CAMPOS
243 - 1:28:16 JULIAN OLANO IRIARTE
260 - 1:29:14 JOSE LUIS GARATE GARATE

  



Igandean Senperen distantzia olinpikoko (1,5 – 40 – 10) triatloia ospatu zen. Bertan lau taldekide izan genituen, Aitzol Apalantzarentzat lehenengo triatloia zelarik. Sekulako triatloi giroa zegoan, astebukaera osoan zehar hainbat triatloi bai zeuden distantzia ezberdiñetan eta taldezka.

 94 - 2:18:31 HARKAITZ ARRUTI
124 - 2:21:59 AITZOL APALANTZA
149 - 2:25:00 AITZOL AGIRREGOMEZKORTA
202 - 2:34:02 AITOR BENEITEZ SAGARZAZU



lunes, 29 de abril de 2013

Azkoitiko kilometroa eta Arbizuko duatloia

AZKOITIKO KILOMETROA
Joan den larunbatean Azkoitiko XEYE Atletismo taldeak antolaturik kilometro bateko lasterketa antolatu zen. Antolatzaileen helburua 10 lagunek kilometroa 3 minututik jeistea zen. Hainbat taldekide izan genituen kilometroa 3 minututtik jeisteko asmotan eta gehienak lortu zuten helburua. Guztira 12 lagunek lortu zuten helburua.




ARBIZUKO DUATLOIA
Joan den Larunbatean Arbizun (Nafarroa) distantzia motzeko duatloia ospatu zen. Bertan Bitturi eta Akerra izan genituen. Aipatzekoa Bitturiren lehenengo eta azkeneko partzialetako lehenengo postua. Zorionak biei!