Gipuzkoako Triatloi Federazioak 2025 denboraldiko sariak

 

Atzo osteguna Donostian izan ziren hainbat taldekide. Gipuzkoako Triatloi Federazioak 2025 denboraldiko sariak banatu zituen, honako hauek izan dira bai taldekideek eta baita taldeak lortutakoak:


AZKOITRI TALDEA:
- Gizonezkoen taldeak - 🥇Mutrikuko sprint distantziako triatloian.

VANESSA CERRAJERO ~ @v.c.b
- Emakumezkoen V1 mailan - 🥇 Añorgako sprint duatloian
- Emakumezkoen V1 mailan - 🥉 Onditz distantzia olinpikoko triatloian

HARITZ ITURZAETA ~ @haritzitu
- Gizonezkoen SUB23 mailan - 🥈 Mutrikuko sprint triatloian
- Gizonezkoen Absolutu mailan - 🥈 Mutrikuko sprint triatloian
- Gizonezkoen SUB23 mailan - 🥉Onditz distantzia olinpikoko triatloian
- Gizonezkoen Absolutu mailan - 🥉Onditz distantzia olinpikoko triatloian

JOSE ANTONIO CIRCUJANO
- Gizonezkoen V2 mailan - 🥈Mutrikuko sprint distantziako triatloian

Gasteizko distantzia erdiko triatloia

Joan den igandean jokatu zen Gasteizko distantzia erdiko triatloia eta bertan banatu zituzten distantzia horretako Euskadiko Txapelketako sariak. Bertan Aitor Sotil, Alex Arrieta, Aitzol Agirregomezkorta, Rafael Sudupe eta Pablo Etxeberria izan genituen lehian. Honako hauek izan ziren beraien denborak eta sailkapen orokorrak:

17. Aitor Sotil 4:08:45

19. Alex Arrieta 4:10:15

100. Aitzol Agirregomezkorta 4:37:45

106. Rafael Sudupe 4:38:54

Pablo Etxeberriak ezin izan zuen amaitu.

Taldekako sailkapenari dagokionez, Sotil, Arrieta eta Agirregomezkortaren denborei esker, laugarren talderik onena izan ginen 37 taldetatik.

Sotilek beterano 1 mailan (40-49 urte) bigarren postua lortu zuen eta Arrietak berriz hirugarren izan zen.

Lehendabizi, triatloilariek 1.9 kilometroko zirkuitu bat egin behar izan zuten Ullibarri-Ganboako urtegian igerian. Ondoren bizikletan 90 kilometro Gasteiz inguruetan eta azkenik Gasteizko hiriburuan 21,1 kilometro korrika.

Euskadiko txapelketako beterano 1 mailari (40-49 urte) dagokionez, Sotil txapeldun izan zen eta Arrieta txapeldunorde. Taldekakoari dagokionez, hirugarrenak izan ginen.

Sailkapenak

#azkoitri #azkoitia #azpeitia #triatloi #duatloi #inisaautomation #txintxugozotegia #biele #sidenor #errotaundi #domusateknik

Ignacio Cruz Larrañaga Euskadiko txapeldunorde, beterano 3 mailako esprint distantziako duatloian

 

Joan den larunbatean jokatu zen Zizurkilen Euskadi distantzia esprinteko txapelketa eta azpitxapeldun suertatu zen Azkoitriko taldekidea.

Ignacio Cruz Larrañaga Azkoitri triatloi taldeko kideak Euskadiko distantzia esprinteko txapelketan azpitxapeldun izendatu zuten joan den zapatuan, hilak 12, Zizurkilen (Gipuzkoa) jokatutako proban. Larrañagak bigarren postua lortu zuen gizonezkoen beteranoen hirugarren mailan (60 urtetik gorako adin maila), eta hala, beteranoen hirugarren mailako Euskadiko bigarren postua bereganatu zuen.

Zorionak Atxerue!

Taldekako sailkapenean berriz, Azkoitri hamabigarren sailkatu zen hamaihirutik.

Sailkapenak hemen ikusgai

Usalsoloko binakako duatloi esprinta

Joan den igandean ospatu zen Usansoloko binakako duatloia. Esprint distantzian lehiatu zen eta Euskadiko txapelketa ere izan zen.

Alde batetik, sexu bereko binakako lehian, Ander Larrañaga eta Iker Etxeberria hamabostgarren sailkatu ziren eta Euskadiko hamahirugarren, 1h10'16''ko denbora lortuz helmugan. Bestalde, Jose Antonio Circujano eta Maider Oteiza modalitate mistoan lehiatu ziren eta hamalaugarren sailkatu ziren 1h19'16''ko denbora eginez. Euskadiko hamabigarren bikote mistorik onenak izan ziren.

Sailkapenak

 

Añorgako duatloia

Joan den larunbatean ospatu zen Añorgan Gipuzkoako distantzia esprinteko txapelketa.Vanessak lehendabiziko postua lortu zuen emakumezkoen beterano 1 mailan eta ondorioz beterano 1 mailako sailkapen orokorra eta Gipuzkoako Txapelketa bereganatu zituen. Zorionak Vanessa! 🎉
🏅Vanessa Cerrajero (bet1)

Sailkapenak

#azkoitri #azkoitia #azpeitia #triatloi #duatloi #inisaautomation #txintxugozotegia #biele #sidenor #errotaundi #domusateknik

Mungiako Duatloia

🟢⚪️⚫️

Joan den larunbatean eman genion hasiera 2025garren urteko Euskadiko Duatloi denboraldiari Mungian (Bizkaia). Bertan, bost taldekide izan genituen esprint distantziako duatloian lehian.

Vanessak lehendabiziko postua lortu zuen emakumezkoen beterano 1 mailan. Zorionak Vanessa! 🎉

🏅Vanessa Cerrajero

Taldeka, 11. amaitu genuen helmugaratutako 15 taldetatik.

Sailkapenak

#azkoitri #azkoitia #azpeitia #triatloi #duatloi #inisaautomation #txintxugozotegia #biele #sidenor #errotaundi #domusateknik

 

 

2025 denboraldia martxan!

11 lizentziarekin hasi du sasoi berria Azkoitiko triatloi klubak, baina hemezortzira iristea espero du. Aurreko asteburuan Vianako duatloian aritu ziren kide batzuk eta gaur Mungian estreinatuko dira beste batzuk. Azkoitiko duatloiak ere badu data: maiatzaren 17an egingo dute.

Azkoitri martxan da berriro. Gaur, Euskadiko duatloi zirkuitua hasiko den egun berean, eta ohitura bihurtu den legez, Oteizaren zazpi frontoietan elkartu dira Azkoitiko triatloi eta duatloi klubeko kideak goizean, aurtengo taldea aurkezteko.

11 lizentziarekin ekingo dio Azkoitrik denboraldiari, baina "gutxienez" hemezortzi izatera iristea aurreikusten dute. Maialen Azpiazuk, esaterako, 2023-2024 denboraldian "maila oso ona eman" ondoren, Peñota Dental Alusigma taldera egin du jauzi.

Udarekin iritsiko diren triatloien aurretik, duatloi denboraldian buru-belarri ibiliko dira datozen hilabeteetan Azkoitriko kideak. Hain zuzen ere, gaur hasiko da Araba, Bizkai eta Gipuzkoako duatloi zirkuitua, Mungian (Bizkaia), eta han lehiatuko dira Azkoitriko Iker Etxeberria debutaria, Ignacio Cruz Larrañaga, Ander Larrañaga, Vanessa Cerrajero eta Haritz Iturzaeta. Esprint distantziako duatloia izango da Mungiakoa: bost kilometro korrika, 20 bizikletan, eta berriro korrika bi kilometro eta erdi egin beharko dituzte kirolariek.

Gaur Mungian arituko direnetatik hiruk aurreko asteburuan estreinatu zuten denboraldia. Euskadiko Triatloi Federazioak antolatutako zirkuitutik kanpo, Vianako (Nafarroa) distantzia erdiko duatloian aritu ziren Larrañaga aita-semeak eta Etxeberria.