Getariako eta Marbellako Triatloia

GETARIA (750m - 20km - 5km)

Joan den larunbatean eman zitzaion hasieran Euskal Herriko Triatloi Zirkuituari Getarian. Ohituak gaituzten bezala,Getaitriko kideek froga bikaina antolatu zuten eta publikoa guztiz entregatuta egon zen. Lau taldekide izan genituen lehian: Andoni Aranaga (28.) (3º BET1), Joxe Circujano (57.), Ander Ostolaza (212.) eta Iñaki Soto (263.). Helmugaratutako 35 taldetatik, 22. talderik onena izan ginen taldekako sailkapenenean.

SAILKAPEN OROKORRA
TALDEKAKO SAILKAPENA

Bestalde, aipatzekoa Iñaki Loinaz (ANB) azkoitiarraren seigarren postua. Joan den urtean, lesio bat medio, oso gutxi lehiatu ahal izan zen eta ez zuen bere maila eman. Espero dugu aurten bere maila erakustea. Taldeka, Loinazen taldea lehendabizikoak izan ziren. 

ARGAZKI GEHIAGO:

Argazkiak 1

Argazkiak 2

MARBELLA (1,9km - 90km - 21km)

Julen Lopetegi IRONMAN 70.3 Marbella distantzia erdiko triatloian izan da larunbat honetan. 18-24 urte mailan hirugarren izan da helmugaratzen (4h27') eta sailkapen nagusian berriz 28.

Sailkapen honi esker, Frantziako Niza hirian ospatuko den Distantzia Erdiko Munduko Txapelketarako sailkatu da.

Zorionak Lope!